Кога Нејмар пристигна во Саудиска Арабија во 2023 година како едно од најголемите засилувања во историјата на локалниот фудбал, очекувањата на Саудијците беа огромни.
За него Ал Хилал на ПСЖ му плати 90 милиони евра, а за саудискиот клуб одигра само седум натпревари, постигнувајќи еден гол и три асистенции.
Нејмар потпиша двегодишен договор вреден 200 милиони евра, а упатените јавуваат дека 32-годишниот Бразилец зимава ќе ја напушти Саудиска Арабија.
Тој наводно се враќа во Сантош кој ќе го донесе на позајмица. Тој играше за бразилскиот тим пред да се приклучи на Барселона и постигна 136 гола и даде 64 асистенции на 225 натпревари за бразилскиот клуб.
Да потсетиме дека Нејмар во Сантош ги помина сите младински категории и дебитираше за првиот тим како тинејџер. По четири години минати во сениорскиот тим, тој во 2013 година се пресели во Барселона за 88 милиони евра. Четири години подоцна, тој направи трансфер кој се уште е рекорд во историјата на фудбалот – отиде во ПСЖ за 222 милиони евра.