Американскиот претседател презеде чекор да стави крај на децениската имиграциска политика позната како државјанство со право на раѓање, наредувајќи укинување на уставната гаранција дека децата родени во САД имаат право на државјанство без оглед на имиграцискиот статус на нивните родители.
Извршната наредба од околу 700 зборови, издадена доцна синоќа, исполнува нешто за што Трамп зборуваше за време на претседателската кампања, но неизвесно е дали ќе успее бидејќи активистите за имиграција најавија тужби за блокирање на претседателот, пишува агенцијата АП.
Државјанството со право на раѓање значи дека секој роден во Соединетите Држави може да стане државјанин на САД, без оглед на имиграцискиот статус на нивните родители. На пример, луѓето кои се во САД со туристичка или друга виза или се во земјата илегално може да станат родители на американски државјанин ако нивното дете е родено во САД.
Тоа правило е на сила со децении и е вградено во 14-от амандман на американскиот Устав, велат поддржувачите на регулативата. Но, Трамп и неговите сојузници го оспоруваат толкувањето на амандманот и велат дека треба да има построги стандарди за добивање државјанство.
Наредбата на Трамп го доведува во прашање фактот дека 14-тиот амандман автоматски дава државјанство на секој роден на територијата на САД.
Амандманот беше создаден по Граѓанската војна и ратификуван во 1868 година. Во него се наведува дека „сите лица родени или натурализирани во Соединетите Американски Држави и кои подлежат на јурисдикција на земјата се државјани на САД и на државата во која живеат“.
Наредбата на Трамп ги исклучува следните лица од добивање автоматско државјанство, оние чии мајки не се легално во Соединетите држави и чии татковци не се државјани на САД или законски постојани жители, лица чии мајки се во земјата легално, но на привремена основа и чии татковци се не се државјани на САД или легални постојани жители.
Тој дополнително им забранува на американските федерални агенции да даваат државјанства на поединци во тие категории. Регулативата стапува во сила 30 дена од вторник, 19 февруари.
Четиринаесеттиот амандман не секогаш гарантираше државјанство при раѓање на сите лица родени во Соединетите држави. Конгресот им додели државјанство на сите домородци родени во САД, на пример, дури во 1924 година, пишува агенцијата АП.
Набргу откако Трамп ја потпиша извршната наредба, групите за заштита на имигрантите поднесоа тужба за да ја запрат.
„Одземањето на децата од непроценливото богатство на државјанството е тешка повреда. Тие се лишени од полноправното членство во американското општество на кое имаат право“, се наведува во тужбата.