Поранешниот менаџер на Манчестер Јунајтед, Ерик тен Хаг, најверојатно ќе одбие да ја преземе Борусија Дортмунд бидејќи не сака да започне нов проект на средината на сезоната, тврди Билд.
Претходно денеска „жолто-црните“ му врачија отказ на претходниот тренер Нури Шахин по уште еден неуспех на тимот и вчерашниот неуспех во Лигата на шампионите.
Првично Тен Хаг важеше за главен фаворит за позицијата на Шахин, но тоа веќе не е така. Локалниот печат тврди дека листата на потенцијални замени сега ја предводи Нико Ковач, кој го предводеше Баерн Минхен пред неколку години.
Идејата е Ковач да остане на чело на Борусија Дортмунд до лето, а дури по завршувањето на кампањата би се направил избор за потенцијален долгорочен ангажман.
Привремен шеф на „жолто-црните“ ќе биде Мајк Тулберг, кој претходно го водеше тимот до 19 години.
Борусија има тешка кампања досега и моментално се наоѓа на десеттото место во Бундеслигата со само 25 бода, 20 помалку од лидерот Баерн.
Во Лигата на шампионите тимот е 13-ти и продолжува да има сериозни шанси да се пласира во следната фаза.