Барселона се соочува со офанзива од Саудиска Арабија. Откако беше откриено дека Унаи Ернандез би можел да го напушти клубот во наредните денови, странските медиуми пишуваат дека уште две ѕвезди на Ла Масија би можеле да се преселат на Блискиот Исток.
Саудиски Ал-Итихад е во преговори со Барселона за трансфер на Ернандез овој јануари, но каталонскиот клуб ќе заработи малку пари од трансферот.
Ситуацијата, сепак, е сосема поинаква за Пау Прим. Младиот играч за врска, кој во еден момент се сметаше за наследник на Серхио Бускетс, беше изоставен од тимот на почетокот на оваа година, откако одби да потпише нов договор со клубот.
Договорот на Прим истекува ова лето и тој веќе може да потпише преддоговори со други клубови. Весникот „Спорт“ тврди дека за овој играч се заинтересирани новајлиите во Саудиската професионална лига, Ал-Кадисија кои дури почнале преговори со него. Така што голема е веројатноста Прим да ја напушти Барселона. Тој има понуда и од Белгија, но таа е значително подобра од Ал-Кадисија во финансиска смисла.
Друг 18-годишен талент кој би можел да се пресели во Саудиска Арабија е Арнау Прадас. Наводно, Прадас сака да ја обнови соработката со Барселона, бидејќи летово му истекува и актуелниот договор. Сепак, се чини дека постои несовпаѓање меѓу понудата на Барселона и неговите барања, што го наведува да размислува за други опции, меѓу кои повторно е… Ал-Кадисија.
Во претходните години, англиската Премиер лига претставуваше голема закана за Барселона во задржувањето на младите таленти. Сепак, сега се чини дека парите што се нудат од Блискиот Исток се попримамливи за младите играчи, кои веќе се вртат во таа насока.