Манчестер Јунајтед ќе го привлече во својот тим младиот талент на Арсенал, Ејден Хевен. Веста ја откри трансфер стручњакот Фабрицио Романо, според кого се во врска со трансферот е веќе договорено. 18-годишниот играч од средниот ред важеше за еден од најголемите таленти во академијата на Арсенал. Сепак, тој ја одбил понудата на лондонскиот клуб за нов договор, како и понудата од Ајнтрахт Франкфурт.
Фудбалерот ја преферирал понудата на Јунајтед и сега се очекува да се упати во Манчестер на задолжителни лекарски прегледи пред да потпише договор со „црвените ѓаволи“.
🚨🔴 Ayden Heaven to Manchester United, here we go!
Exclusive story from last week confirmed as 18 year old centre back’s set to leave Arsenal and join #MUFC.
Medical booked after he rejected new deal from Arsenal and Eintracht approaches.
Agreement being formally sealed. pic.twitter.com/Q12q8JC2fs
— Fabrizio Romano (@FabrizioRomano) January 28, 2025
Ова е голем удар за Арсенал, кој на овој начин веќе загуби еден играч, откако Чидо Оби-Мартин претходно реши да се пресели на „Олд Трафорд“.
Во овој момент, тешко дека Хевен ќе биде директно интегриран во првиот тим на Манчестер Јунајтед, откако прво ќе мора да игра за младинската академија на клубот. Сепак, „црвените ѓаволи“ се почесто им даваат шанса на своите млади таленти, па не е исклучено Хевен во одреден момент да добие шанса да покаже што може на највисоко ниво.