Тотенхем, народски кажано, оваа сезона не може да се натпреварува во Премиер лигата. Сепак, барем дел од играчите се уште имаат целосна доверба во Ангелос Постекоглу.
„Петлите“ не паметат полоши денови во домашната конкуренција. Тотенхем моментално е 15-ти на табелата. По новиот пораз од Лестер минатиот викенд, избраниците на Ангелос Постекоглу се на само осум бода од зоната за испаѓање.
Сепак, не секој гледа сè толку мрачно. Дејан Кулушевски е еден од најдобрите играчи на лондонскиот тим оваа сезона, а на прес-конференцијата пред натпреварот против Елфсборг му даде поддршка на тренерот на својот тим.
„Верувам во него бидејќи на некои натпревари прикажавме перфектен фудбал и фудбал кој многу тимови во светот не можат да го играат“, изјави Кулушевски.
На прашањето дали се согласува со Постекоглу дека Тотенхем може уште многу оваа сезона, шведскиот репрезентативец одговори: „Се согласувам со него. Мислам дека имаме уште простор да направиме нешто посебно оваа сезона“.
Тотенхем има уште три трофеи за кои треба да се бори во куп натпреварувањата, каде што ќе се обиде да ја спаси сезоната. А дали Постекоглу е вистинскиот човек за тоа е големо прашање…