Како и во изминатите неколку недели, така и денеска лекарите вработени во Институтот за ментално здравје на улицата „Палмотиќева“ излегоа во 11:52 часот да им оддадат почит на жртвите во Нови Сад. Во текот на 15-те минути молк на улица се појави автомобил и со голема брзина удри двајца лекари, пренесува „Нова.рс“.
„Автомобилот не застана и удри во лекарка, специјалист по психијатрија и една млада колешка. За среќа, тие се во стабилна состојба. Полицијата веднаш дојде да утврди што се случило“, изјави за „Нова.рс“ лекар од овој Институт, кој побара да остане анонимен.
Здравствените работници во оваа болница се во шок.
„Ние сме лекари кои се занимаваат со менталното здравје на пациентите, лекуваме луѓе со трауми, меѓу другото, и кој ќе ни помогне сега? Сите сме многу вознемирени и во шок“, нагласува докторката.
„Нашиот тим пристигна во Палмотиќева. Две жени на возраст од 29 и 55 години се видно полесно повредени. Веднаш се пренесени во Ургентниот центар“, велат за „Нова.рс“ од Ургентното одделение.
– По наредба на дежурниот јавен обвинител при Вишото јавно обвинителство Белград на В.С.(18) му е одредена мерка притвор во траење до 48 часа поради постоење основи на сомнение дека сторил кривично дело тешко убиство во обид при блокада на пат во пред Заводот за ментално здравје од страна на вработени.
В.С. Се сомничи дека делото го извршил додека управувал автомобил „голф“ на тој начин што го стартувал возилото од местото каде што било паркирано, а потоа удрил во насобраните граѓани, нанесувајќи им полесни повреди на двајца вработени во таа фирма.