Неверојатна приказна од САД го шокираше целиот свет – добивме еден од најголемите трејдови во НБА во последниве децении, бидејќи во размената на играчи учествуваа Лос Анџелес Лејкерс и Далас Маверикс, а тимовите ги менуваат Ентони Дејвис и Лука Дончиќ. Не се единствените, но привлекуваат најмногу внимание бидејќи и двајцата се ѕвезди на американската кошарка во последните години. Посебно е забележливо што ниту еден од нив не побарал трејд од нивните сегашни тимови, па допрва треба да видиме какви се плановите на тимовите од Калифорнија и Тексас.
Пред да дознаеме дали Лејкерси градат сосема нов тим и дали Маверикс го гледаат Ентони Дејвис како прва ѕвезда за претстојните сезони, тема во САД е Лука Дончиќ. Словенечкиот кошаркар моментално е повреден и не може да игра, но се уште важи за еден од најдобрите бекови во лигата – пред повредата сезонава беше во игра за МВП, а претходните години со голем успех играше за Далас Маверикс.
Не успеа да ги собере како што треба сите тие добри игри. Како што пишува американскиот новинар Боби Маркс, словенечкиот кошаркар ќе загуби огромна сума на пари поради трејдот во Лејкерси. Наместо да добие петгодишен договор вреден 345 милиони долари ова лето, Лука ќе мора да се задоволи со помал или со пократок договор. Според Маркс, Лука Дончиќ повеќе не може да потпише „супер макс“ договор, а под неговиот твит се наоѓаат коментари со објаснување дека Дончиќ би можел да добие околу 50 милиони долари помалку од планираното!
Секако, има и други опции на кои Дончиќ би можел да се сврти. Доколку словенечкиот кошаркар реши да игра на пазарот, дел од тие пари би можеле да му бидат вратени во наредните години. Маркс му препорачува на Лука Дончиќ да потпише тригодишен договор, со опција играчот да одлучи за последната година од договорот. На тој начин би стигнал до десет сезони во НБА, а потоа во сезоната 2028/29 би имал можност да заработи дури 72 милиони долари.
Останува да видиме дали Лука ќе се одлучи за таа опција и како планира да се позиционира кон идните работодавци во следните неколку сезони. Засега е јасно дека неговиот трејд со Лос Анџелес Лејкерс не дојде како резултат на желбата на играчот да ја промени средината, но исто така е тешко да се замисли дека некој играч би одбил да оди во една од најпознатите НБА франшизи. Можеби Лејкерси решија да го направат Дончиќ заштитно лице на НБА во следните неколку години, а тоа чини повеќе од 50 милиони долари.