Блокадата на Мостот Слобода во Нови Сад, која почна во саботата во 15 часот, продолжува и во недела и се очекува да трае до 15 часот или вкупно 24 часа.
Во саботата, собири за поддршка на српските студенти се одржаа во многу градови надвор од земјата: од Загреб, Сплит и Осиек, до Берлин, Бостон и Мелбурн.
Агенцијата Бета објави дека поп-ѕвездата Мадона ги поддржа протестите на српските студенти на својот Инстаграм профил објавувајќи кратко видео од илјадници демонстранти во Нови Сад со натпис: „Моќта на единството“.
„Она што медиумите не го објавуваат е дека сме сведоци на едно од најголемите студентски движења од 1968 година“, се вели во пораката. „Поддржете го таквото единство насекаде во светот!!“
Слична порака за поддршка за студентите во саботата преку Инстаграм испрати и концептуалната уметница Марина Абрамовиќ која со бели букви на црна позадина напиша: „Учениците од Србија се хероите на денешницата“.