18
Македонскиот репрезентативец Бојан Димоски кариерата ќе ја продолжи во Партизан. 23-годишниот дефанзивец го напушти рускиот Акрон Тољати и се пресели во клубот од Белград.
Димоски во Белград доаѓа на позајмица до крајот на сезоната со опција за откуп. Сите детали се договорени и останува само потпишување на договорот и негово промовирање, пренесуваат српските медиуми.
Новиот играч на Партизан се етаблираше како македонски репрезентативец под водство на селекторот Благоја Милевски, а во Акрон замина во јули 2023 година. Тоа беше негова прва странска станица во кариерата.
Димоски својата сениорска кариера ја започна во Вардар со кој беше шампион на Македонија, а настапуваше и за струмичка Брера.
За репрезентацијата одигра 18 натпревари.