Facebook, Instagram и WhatsApp се меѓу главните цели на хакерите и измамниците поради нивната популарност.
Тие се богати со лични податоци, често се користат за комуникација и се поврзани со други кориснички сметки, што ги прави неодоливи цели. Постојат неколку начини на кои можете да се заштитите. Еве преглед на неколку од нив.
Користете силни и уникатни лозинки. Тие се вашата прва линија на одбрана од хакери. Тие треба да бидат единствени и да содржат комбинација од големи и мали букви, бројки и специјални знаци. Избегнувајте нешто лично, како вашето име или роденден, и прескокнете очигледни обрасци како zxcvbnm.
Обидете се да користите фрази наместо поединечни зборови. На пример, 9Lions0nThe Hill! или ILove2Hike&Explore. На хакерите им е многу потешко да ги пробијат и полесно ќе ги запомните. Исто така, секоја сметка има потреба од своја лозинка – на тој начин, доколку едната биде хакирана, другите ќе останат помалку или повеќе безбедни.
Користете алатки за управување со лозинки. Ако морате да ги запишете, чувајте ги на безбедно место. И не ги рециклирајте. Што ако некој ве гледа додека ја пишувате лозинката? За да го спречите ова, поставете заштитник на екранот на вашиот уред и покријте ја тастатурата додека пишувате.
Вклучете потврда во два чекора. Може да користите и апликации како Google Authenticator или Authy за да генерирате кодови што се освежуваат на секои 30 секунди или да изберете отпечаток од прст или препознавање лице.
Конечно, бидете свесни за најновите безбедносни закани, следете реномирани извори на технолошки вести, научете ги најдобрите практики за сајбер-безбедност и едуцирајте се за онлајн измамите за кражба на идентитет, пишува Make Use Of.