Американскиот претседател Доналд Трамп изјави дека земјата е посветена на „купување и поседување“ на Газа и може да им дозволи на другите земји од Блискиот Исток да помогнат во нејзиниот развој.
Тој пред новинарите во неделата додаде дека тоа треба да се смета за голема локација за недвижнини и дека САД ќе ја поседуваат и полека, многу бавно ќе ја развиваат, пишува Вашингтон пост.
„Што се однесува до обновата, можеме да ја дадеме на други земји на Блискиот Исток за да изградат делови од неа. Други луѓе можат да го направат тоа, под наше покровителство“, рече Трамп.
Шефот на Хамас: Плановите на САД за Газа се осудени на неуспех
Лидерот на Хамас во Појасот Газа, Калил ал Хаџа, изјави денеска дека плановите на САД и американскиот претседател Доналд Трамп за Појасот Газа се „осудени на неуспех“.
„Ќе ги уништиме како што ги урнавме сите нивни претходни проекти“, рече Ал-Хаџа за време на церемонијата по повод 46-годишнината од иранската револуција во Техеран, пренесе Ројтерс.
Трамп во неделата потврди дека е посветен на планот за купување на Појасот Газа, но дека може да дозволи делови од регионот разурнат од војна да бидат обновени од други земји од Блискиот Исток.