Баерн Минхен го обнови договорот со еден од своите најталентирани играчи – Џамал Мусиала. Германскиот интернационалец потпиша нов договор до 2030 година.
Претходниот договор на играчот истекуваше во 2026 година, а интерес за него имаше од повеќе европски гиганти. Ова е следниот главен играч кој го продолжи договорот со Баварците по Алфонсо Дејвис и Мануел Нојер.
Hier, um eine 𝘈̈𝘙𝘈 zu prägen. 🔴
𝘍𝘊 𝘉𝘢𝘺𝘦𝘳𝘯 und 𝘑𝘢𝘮𝘢𝘭 𝘔𝘶𝘴𝘪𝘢𝘭𝘢 verlängern bis 2030. 🤝
🔗 https://t.co/fZ07ruUbsC#Musiala2030 #FCBayern #MiaSanMia pic.twitter.com/y0dREMzFgL
— FC Bayern München (@FCBayern) February 14, 2025
„Тука ги направив моите први чекори во професионалниот фудбал и целосно верувам дека можам да постигнам големи работи со овој клуб во наредните години. Се чувствувам како дома во Минхен и во клубот со нашите големи навивачи“, сподели Мусиала.
Според германските медиуми, 21-годишниот Мусиала ќе добива околу 25 милиони евра по сезона. Договорот има ослободителна клаузула вредна 175 милиони евра.