Висок функционер на Светската антидопинг агенција (ВАДА) застана во одбрана на одлуката на Јаник Синер и ВАДА да го суспендираат на три месеци.
„Тоа е случај кој е милиони милји далеку од допинг. Научната анализа што ја добивме е таква што не станува збор за намерен допинг, дури ни т.н. „микродозирање“, рече генералниот советник на ВАДА, Рос Венцел.
Суспензијата на Синер започна на 9-ти февруари и ќе трае до 4-ти мај, точно на време тој да настапи на турнирот во Рим.
Голем дел од колегите на Синер сметаат дека постапката не била транспарентна и дека се создал впечаток дека има привилегирани поединци, што го изјави и Новак Ѓоковиќ.
„ВАДА доби бројни пораки кои сугерираат дека суспензијата е предолга. На некој начин – ако некои велат дека тоа е неправедно кон спортистот, други тврдат дека казната е недоволна, можеби тоа е показател дека одлуката е правилно донесена. Кога ги разгледуваме случаите, тоа го правиме технички и оперативно – не го правиме тоа со страв од јавното мислење, политичарите или некој друг“.
Британскиот тенисер Лиам Броди изјави дека суспензијата на Синер е како суспензија на фудбалер во текот на летото, но Венцел тврди дека суспензијата е „слепа за календарот“.
„Кога ќе се постигне договор, не можете да кажете „Да, но ова започнува за два месеци“, тој мора веднаш да стапи на сила“. Откако ќе се склучи договор, важно е да се спроведе и објави. Така и се случи – поради тајмингот на рочиштето пред Судот за спортска арбитража, одлуката беше донесена доцна минатиот петок навечер, а одлуката стапи во сила веднаш. Нашите санкции се слепи за календарот“.
ВАДА дури во 2021 година ја воведе можноста за договори со спортистите, а оттогаш се постигнати 67.