Украинскиот претседател Володимир Зеленски денеска, по повод третата годишнина од почетокот на војната во неговата земја, му порача на украинскиот народ дека е горд на херојството што го покажаа за време на конфликтот.
„Три години отпор. Три години благодарност. Три години апсолутно херојство на Украинците. Горд сум на Украина!“, наведе тој.
Зеленски, во објава на мрежата „Х“, им се заблагодари на „сите што ја бранат и поддржуваат“ Украина, додавајќи дека Украина се сеќава на оние кои ги загубија животите бранејќи ја земјата.
Three years of resistance. Three years of gratitude. Three years of absolute heroism of Ukrainians. I am proud of Ukraine! I thank everyone who defends and supports it. Everyone who works for Ukraine. And may the memory of all those who gave their lives for our state and people… pic.twitter.com/HeNMpJX891
— Volodymyr Zelenskyy / Володимир Зеленський (@ZelenskyyUa) February 24, 2025
Претходно утринава претседателката на Европската комисија, Урсула фон дер Лајен и претседателот на Европскиот совет Антонио Кошта пристигнаа во Киев.
Денеска се одбележува третата годишнина од почетокот на војната во Украина, а наскоро се очекува да продолжат руско-американските преговори за ставање крај на војната, во кои Украина и ЕУ не се вклучени.
Во Киев денеска се одржува самит посветен на одбележувањето на третата годишнина од почетокот на војната во Украина, при што ќе учествуваат вкупно 37 државни лидери, што претседателот Зеленски го нарече „пресвртница“, од кои 13 ќе присуствуваат лично, а 24 преку видео врска, соопшти УНИАН.