Ветеранот и ѕвезда на Баерн Минхен, Томас Мулер треба да ја заврши кариерата на крајот од оваа сезона, смета поранешниот играч за врска на Баерн, Марио Баслер.
Баслер зборуваше за агенцијата ДПА за време на презентацијата на неговата книга „Животот по најдобрите години“, а по повод прашање за Мулер, објасни дека оставката требало да се случи многу порано бидејќи добива само многу ограничена минутажа.
„Според мене, тој го пропушти вистинскиот момент, вистинското време. Дефинитивно би му препорачал да се пензионира по оваа сезона. Следната година неговите услуги ќе бидат потребни уште помалку. Младите играчи ќе вршат притисок врз него, а неговото време е дојдено“, изјави Баслер.
Со статус на клупска икона, 35-годишниот Мулер целата своја кариера ја мина во Баерн и со овој тим освои се што треба да се освои. Сезонава одигра само три полни натпревари на кои постигна еден гол, а на некои други мечеви се појави како тактичка замена на крајот.
„Никогаш не го сакав ова за себе, да играм само спорадично. Само за да си го губам времето. А оваа опасност ја гледам во Томас Мулер”, вели Баслер, кој својата професионална кариера ја заврши во 2004 година.