Српскиот фудбалски репрезентативец Душан Влаховиќ е на прагот на заминување од Јувентус и речиси сигурно на лето ќе го напушти Торино, а како што стојат работите кариерата ќе ја продолжи во Англија.
Во последните недели, па и месеци, Влаховиќ се поврзуваше со Арсенал, Челси и Манчестер Јунајтед, но според последните информации кои пристигнуваат од Островот, тој не би требало да заврши ниту во Лондон, ниту во Манчестер.
Имено, во овој момент прв фаворит за доведување на српскиот центарфор е Астон Вила.
Британските медиуми пренесуваат дека Бирмингем во Влаховиќ гледа идеална замена за Џон Дуран, кој минатата зима замина во Ал-Наср, а Србинот е пред се желба на тренерот Унаи Емери.
Договорот на Влаховиќ со Јувентус истекува во летото 2026 година, па следниот преоден рок е последната шанса на „старата дама“ да заработи малку пари на Србинот. Се претпоставува дека Астон Вила за трансферот ќе треба да откупи околу 30 милиони евра, што е прилично евтино за играч со квалитет на Душан, но ќе треба да си ја откупи и голгетерската плата.
Да потсетиме, Влаховиќ пред три години пристигна во Јувентус од Фиорентина за 83,5 милиони евра и оттогаш на 134 натпревари во црно-белиот дрес постигна 55 голови и забележа 11 асистенции.