Играчот од средниот ред на Манчестер Јунајтед, Касемиро, по ремито 1-1 против Реал Сосиедад во Шпанија во првиот осминафинален натпревар во Лига Европа, прокоментира дека противник е тим кој игра многу добар фудбал.
„Сум играл овде многу пати и знам колку е тешко. Тие се тим кој игра многу добар фудбал, имаат многу квалитети и одлични навивачи“, изјави Касемиро, цитиран од официјалниот сајт на Европската фудбалска асоцијација (УЕФА).
„Ја контролиравме играта, но можеби ни недостасуваше малку прецизност во нападот, но имавме можности да постигнеме гол. Допрва следи реваншот, па очекувам уште една добра партија“, додаде играчот на Манчестер Јунајтед.
„Имаше недостиг од прецизност. Често брзаме на предни позиции. Имаме играчи со солидни квалитети, особено Бруно Фернандеш. Треба да го разбереме малку подобро бидејќи тој е одличен играч“, рече уште Касемиро.