Ѕвездата од „Stranger Things“, Мили Боби Браун се прослави со улогата на Eleven и нејзината избричена глава.
Откако многумина ја видоа во таа улога без коса, денес актерката има долга коса. Сепак, 21-годишната актерка откри дека планира повторно целосно да ја избричи главата, во важен период од нејзиниот живот.
Откако се оддалечи од нејзиниот лик Eleven од хитот на Netflix, Мили се посвети на филмски проекти како Damsel и The Electric State. Во 2024 година се омажи за Џејк Бонџови, син на познатиот музичар Џон Бон Џови.
Поради својот вртоглав успех, Мили мораше да се справи со големиот интерес на јавноста и медиумите кои го следат секој нејзин чекор додека расте пред очите на светот.
Таа неодамна изјави дека размислува за радикална промена во својот изглед – планира повторно да ја избричи главата, но овој пат од лични причини.
Говорејќи на подкастот Call Her Daddy, таа откри: „Секогаш му велам на Џејк: за моето прво дете сакам да ја избричам главата“.
Мили рече дека би можела да ја избричи главата веднаш пред да се породи: „Можеби ја избричам веднаш пред да се породам бидејќи сметам дека косата е мака за одржување во секој случај“.
Таа, исто така, ја сподели својата возбуда за нејзината идна улога како мајка.
„Ќе се грижам за моето дете. Зошто би се мачала со мојата коса? Мислам дека тоа е навистина ослободувачко искуство. Го имав тоа искуство како мало девојче, но би сакала да го имам како возрасна жена“, заклучила таа.