Челси постигна договор за трансфер на 17-годишното португалско крило Џовани Квенда од Спортинг.
Иако интерес покажаа клубови како Манчестер Јунајтед, Ливерпул и ПСЖ, Квенда се одлучи за Челси поради клупскиот проект и долгорочните планови, а како што пренесува Фабрицио Романо, целата операција била спроведена во тајност.
Според договорот, Квенда ќе остане во Спортинг до 2026 година, по што ќе му се приклучи на Челси со седумгодишен договор, а трансферната сума ќе биде меѓу 45 и 50 милиони евра.
Квенда е роден во Гвинеја-Бисао и ја започна својата кариера во Португалија, играјќи прво за Дамајенсе У-10, потоа за младинската академија на Бенфика, пред да се пресели во Спортинг. Оваа сезона одигра 40 натпревари, постигна 2 гола и забележа 7 асистенции.
Може да игра на двете крила, а може да ја покрие и десната бековска позиција.
Овој трансфер се вклопува во стратегијата на „сините“ да инвестира во млади таленти за да изгради конкурентен тим за иднината.