Поранешниот шампион во две дивизии на УФЦ, Конор МекГрегор е во посета на Белата куќа. ММА борецот разговараше со новинарите и се сретна со американскиот претседател Доналд Трамп за време на викендот на националниот празник на Ирска, Денот на Свети Патрик.
„Ирска и Америка се како браќа. Сметаме дека Америка е наш голем брат. Важно е Ирска да има мир и просперитет овде. Сакаме да продолжиме со нашите добри односи со САД. Постарите браќа треба да се грижат за своите помлади браќа, истото важи и за САД”, рече борецот од Даблин.
Потсетуваме дека пред неколку месеци МекГрегор беше прогласен за виновен во граѓанска постапка против него под обвинение за сексуален напад против Никита Хенд, која е тужител во случајот. На борецот на УФЦ му беше наложено да плати над 250.000 долари на Никита Хенд.
Во своето обраќање пред новинарите во Белата куќа, МекГрегор ја критикуваше ирската влада за „трошење на парите на даночните обврзници за проблеми кои се надвор од земјата“.
„Гласот на народот на Ирска не се слуша долго време. Време е Америка да разбере што се случува во Ирска. Ова е трагедија. Нашата влада презема нулта акција и сноси нулта одговорност. Парите на даночните обврзници се трошат за проблеми надвор од државата кои немаат врска со нашиот народ. Илегалната имиграција создава огромни проблеми. Има градови во Ирска кои се преземени одеднаш и одеднаш стануваат малцински градови. 40 милиони Ирци овде треба да го слушнат ова“.