Палиња нема намера да го напушти Баерн Минхен

Фудбалерот од средниот ред Жоао Палиња не размислува да го напушти Баерн Минхен и покрај неговиот тежок старт во Бундеслигата, јави ДПА.

„Не ме интересираат гласините. Ќе направам се за да покажам зошто клубот потроши пари на мене. Не размислувам за заминување“, изјави Португалецот за неделното издание на Sport Bild.

Баран уште во 2023 година, Палиња пристигна во Минхен минатото лето за 51 милион евра од англискиот клуб Фулам со договор до 2029 година.

Тој допрва треба да се бори за стартно место во тимот, откако забележа 12 настапи за тимот во Бундеслигата, од кои стартуваше на само пет.

Беше исклучен со црвен картон на последниот меч што го започна – домашен пораз од Бохум на 8 март со 2:3.