Украинскиот министер за одбрана, Рустем Умеров во неделата информира дека разговорите со американската делегација во Саудиска Арабија биле „продуктивни“ и фокусирани на енергетскиот сектор.
„Разговаравме за клучните прашања, вклучително и енергетскиот сектор“, додаде Умеров во својот пост на платформата „X“.
We have concluded our meeting with the American team.
The discussion was productive and focused — we addressed key points including energy.President Volodymyr Zelenskyy’s goal is to secure a just and lasting peace for our country and our people — and, by extension, for all of…
— Rustem Umerov (@rustem_umerov) March 23, 2025
Министерот за одбрана на Украина ја предводи делегацијата на неговата земја на разговори кои се дел од дипломатските напори на американскиот претседател Доналд Трамп да стави крај на тригодишната војна.
Средбата на делегацијата на САД и Украина претходи на разговорите меѓу американската и руската делегација закажани за понеделник.
Средбата се одржува по серијата разговори одржани во Саудиска Арабија, прво меѓу САД и Русија, а потоа и меѓу САД и Украина, кога Киев го прифати предлогот за 30-дневен прекин на огнот.
Рускиот претседател, Владимир Путин се согласи привремено да ги запре нападите врз украинските енергетски постројки, но одби да одобри целосен 30-дневен прекин на огнот.