Дани Алвеш (41), прославениот играч на Барселона и Бразил и еден од најодликуваните фудбалери во историјата, беше ослободен од обвиненијата за силување од страна на Апелациониот суд на Барселона.
Алвеш беше прогласен за виновен со првостепена пресуда во февруари минатата година и осуден на четири и пол години затвор за силување девојка во ноќен клуб во Барселона на 30 декември 2022 година. Алвеш го напушти затворот во март минатата година, еден месец по првостепената пресуда и откако помина година и два месеци во затвор, откако плати кауција од еден милион евра. Судот потоа нареди да му се одземат шпанскиот и бразилскиот пасош до крајот на постапката (конечна пресуда). Алвеш има и шпанско државјанство од 2005 година. Покрај тоа, според одлуката на судот, тој не смеел да и пријде на својата жртва, на која и било наредено да и плати отштета од 150.000 евра.
Алвеш првично негираше дека воопшто ја познава жената која го пријавила за злосторството. Подоцна неколку пати ја менуваше изјавата, а на крајот Алвеш, кој е оженет, изјави дека сексуалниот однос со девојката во клубот бил консензуален.
Полицијата го уапси на 20 јануари 2023 година за време на посетата на Алвеш на каталонската престолнина по завршувањето на Светското првенство во Катар. До апсењето играше за мексиканскиот клуб Пумас. Играше и за Севиља, Јувентус и ПСЖ, додека за Бразил забележа 126 настапи. Во кариерата освои 42 титули. Со Барселона трипати ја освои Лигата на шампионите, додека со Бразил двапати Јужноамериканското првенство.