Српскиот претседател Александар Вучиќ вечерва изјави дека барањата на студентите во блокадата одамна се исполнети, а тоа што сега се случува е шоу за пошироката маса и посочи дека шестото барање на студентите директно го продуцирал премиерот на привремените приштински институции, Албин Курти.
„Министерот на Курти во македонската влада и негов пријател ме критикуваше без причина што ги посетувам македонските граѓани во болницата. И тогаш тоа стана шесто барање на студентите. Така, Курти директно го предизвика. Прво, тоа не е целосно стерилна просторија, ги следев сите правила, влегов со маска, влегов во наметка и на сите други начини“, рече Вучиќ за „Њузмакс“.
Тој додаде дека тогаш вината се барала кај лекарите, бидејќи некој од Медицинскиот факултет не бил во добри односи со нив.
„Тогаш реков дека јас сум виновен, вие не сте виновни што ги вознемирувате сите пациенти на Клиничкиот центар со вувузели и врескате одоздола, јас сум виновен што ги посетив речиси во тишина и покажав внимание и грижа“, рече Вучиќ.
Нагласи дека покажал внимание и грижа, како и дека им покажал на семејствата на повредените што изградила Србија, како што рече, дека оние кои денес ги поддржуваат „оние со вувузели“ никогаш во периодот од 2000 до 2012 година не изградиле ни квадратен метар ваков простор.
На прашањето дали има план за сегашните поделби во општеството, Вучиќ нагласи дека планот е луѓето да разговараат.
„Мојот план беше на толерантен начин да покажам дека сме подготвени да трпиме ќотек, дека сме подготвени да прифатиме понижување, дека секој што ќе се осмели да го стори тоа е слободен да не гаѓа со јајца и да прави секакви криминални дејствија, рече Вучиќ.
Тој посочи дека ниту една земја нема да го дозволи тоа и дека се гордее со демократските капацитети на Србија и со толеранцијата и трпението што државата ги покажала.
„Чекор два е разговор. Сега тие се повеќе почнуваат да бараат разговор, бидејќи сфатија дека обоената револуција пропадна“, рече Вучиќ.
На прашањето дали сега е доцна за разговор, Вучиќ изјави дека никогаш не е доцна и дека тој и другите луѓе ќе бидат отворени за разговор.
„Некои луѓе сè уште можат да разберат што се случи и тоа време помина, некои наскоро ќе разберат и потоа ќе разговараме. Но овој вид терор никогаш повеќе не смее да и се случи на Србија, тој терор ја уништи нашата економија“, нагласи Вучиќ.