Американскиот претседател Доналд Трамп планира да воведе специјални царини за месец или два за паметни телефони, компјутери и некои други електронски уреди, кои беа ослободени од високи царини за стоки од Кина, објави денеска американскиот министер за трговија Хауард Лутник.
Тој додаде дека во следните два месеци ќе бидат воведени нови царини за овие производи, како и за полупроводници, објави Ројтерс.
Ова е најновиот пресврт во тарифниот план на Трамп, откако во петокот првпат беше објавено дека администрацијата одобрила ослободувања од високи тарифи за паметни телефони и други електронски производи од Кина.
Според Лутник, новите тарифи за овие производи ќе бидат вклучени во пакет со тарифи за полупроводници и фармацевтски производи, а ќе бидат воведени за месец до два.
Како што рече тој во интервју за ABC, царините ќе го вратат производството на овие производи во САД.