„Додека Таравари мисли само на локални избори и изборни коалиции здравството е во тотален распад. Скандалот на Кардиохирургија каде што пациент почина со пукната аората, е реалната и стравотна слика за состојбата во здравството денес-колабиран систем, кој наместо да лекува, уништува животи“, вели денеска на прес конференција на СДСМ, Белкиса Зекири – членка на Извршен одбор.
„Пациент почина затоа што државната клиника не можела да му ја изведе потребната итна интервенција – поради нефункционалност на здравствениот систем. И Државниот здравствен и санитарен инспекторат потврди: ангиографската сала на Кардиохирургија не работела еден месец, а немало ниту стент-графтови. Како може државна болница, од стратешки интерес, да нема основни услови за спас на човечки живот?“, прашува таа.