Земјотрес со интензитет од 6,2 степени според Рихтеровата скала денес го погоди турскиот град Истанбул, а локалните медиуми јавуваат дека низ целата истоимена провинција се распоредени екипи за итни случаи.
Али Јерликаја, турскиот министер за внатрешни работи, изјави дека екипите почнале да го пребаруваат подрачјето погодено од земјотресот.
İstanbul’da meydana gelen 6.2 büyüklüğündeki deprem anı kamerada pic.twitter.com/XTfByKEhVg
— Nefes Gazetesi (@nefesgazete) April 23, 2025
Според податоците на Турската администрација за дејствување при катастрофи и вонредни ситуации, земјотресот се случил во морето крај брегот на општина Силиври, на длабочина од 6,92 километри.
Турскиот претседател Реџеп Таип Ердоган во својата прва изјава по земјотресот изјави дека внимателно го следи развојот на ситуацијата.
Едно од видеата што се појавија на социјалните мрежи прикажува жена која во моментот на земјотресот се нашла во стан од кој не можела да излезе и се испаничила, држејќи се за вратата.
#BREAKING #TURKIYE #TURKEY #TURQUIA #ISTANBUL
Another 📹🔴 TURKIYE :📹MOMENT POWERFUL EARTHQUAKE MAGNITUDE 6.1 HIT NEAR SILIVRI DISTRICT IN ISTANBUL
Depth :6.9 km- Marmara Sea.
Felt in several cities around the Marmara Sea.#Ultimahora #Earthquake #Sismo #Terremoto #Deprem pic.twitter.com/rZVIUX6lUV— LW World News 🌏 (@LoveWorld_Peopl) April 23, 2025
Според прелиминарните извештаи, зградите се треселе во Истанбул, пренесува Ројтерс.
Турција сè уште се опоравува од серијата земјотреси во 2023 година во кои загинаа повеќе од 55.000 луѓе.
Подрачјето во близина на границата меѓу Турција и Сирија прво беше погодено од силен земјотрес со магнитуда од 7,8 степени според Рихтеровата скала, а еден час подоцна следеше нов потрес со магнитуда од 6,7 степени според Рихтеровата скала.
Земјотресот предизвика големи разурнувања и во соседна Сирија, каде што градот Ал Баб најмногу настрада.
Тресењето на земјата беше почувствувано и во други делови на Турција, Грузија, Ерменија и Кипар.
Покрај човечките загуби, земјите претрпеа и значителни материјални штети.
Инфраструктурата, археолошките наоѓалишта беа уништени, додека многу тврдини и џамии беа речиси уништени.
Стотици илјади луѓе во Турција останаа без покрив над главата тогаш, објави Меѓународниот комитет на Црвениот крст.