Приклучувањето кон еврозоната се базира на објективни критериуми. Досега, сите се импресионирани од значајниот напредок што Бугарија го постигна во исполнувањето на различните критериуми. Ова го изјавил претседателот на Европскиот совет, Антонио Кошта, на брифингот во Софија по средбата со тамошниот премиеро Росен Жељазков.
Коста истакнал дека неговата посета на Бугарија доаѓа во важен момент – кога Бугарија конкретизира важно достигнување за проширувањето на Шенген и во многу добар, тековен процес за усвојување на еврото.
-Ги очекуваме последните два извештаи за проценка во јуни – од Европската комисија и Европската централна банка, рекол Кошта.
-Се надевам дека проценката ќе биде позитивна и ако е така, ќе можеме да донесеме позитивна одлука во Европскиот совет, а потоа и конечна одлука од страна на Европскиот парламент, додал тој.
Како одговор на прашање за Република Северна Македонија, Кошта навел дека проширувањето на Европската Унија кон земјите од Западен Балкан, како и кон Украина и Молдавија, се најважните геополитички инвестиции за Унијата.
-Ова е тековен процес, истакнал тој. „Ќе продолжиме да соработуваме со различните земји“, додал првиот човек на Европскиот совет. Тој посочил дека за две недели ќе го посети регионот на Западен Балкан и ќе разговара со лидерите на шесте земји, меѓу кои и со премиерот Христијан Мицкоски.
-Посветени сме и посветени на успехот на ова проширување и верувам дека тоа ќе биде исклучително важно за сите земји во Европската Унија, но и за Југоисточниот регион, изјавил Кошта. Тој објаснил дека се потпира на напорите на сите страни за надминување на проблемите и правилно решавање на различните прашања и обезбедување ефикасно проширување на овој процес во текот на следните пет години.
-Бугарија многу го цени вашиот ангажман, вашата посветеност на работите на Унијата. Ја гледаме вашата амбиција и напорна работа, начините на кои ја организирате работата на Советот. За мене е чест да соработуваме. Во лицето на нашата влада, имате вистински партнер за просперитетот на Унијата и за почитување на нашите демократски вредности, вака порачал бугарскиот премиер на заедничкиот брифинг.
Вчера се огласила и бугарската потпретседателка Илијана Јотова. Таа во интервју за бугарските медиуми посочила дека почувствувала како „се искривува темата ‘проширување на ЕУ’, а особено со Република Северна Македонија“.
-Постои тенденција ова проширување и овој процес да се стават во билатерална рамка. И уште повеќе – некои од нашите европски партнери, вклучително и европскиот комесар Кос, зборуваат како Бугарија да го запрела овој процес затоа што има некаков билатерален проблем, затоа што двете земји не се разбираат, затоа што не можат да се договорат за нешто, коментирала Јотова за „Bulgaria ON AIR“.