Меланија Трамп, сопруга на претседателот на САД, Доналд Трамп, пред неколку дена го прослави својот 55-ти роденден. Тие се во брак од 2005 година, а пред тоа, многу мажи од нејзината родна Словенија се натпреварувале за нејзиното внимание. Еден од нив бил и Јуре Зорчиќ, кој бил маѓепсан од Меланија додека возел мотор. Тој ја видел како оди по улицата и застанал да ја пречека. „Таа не беше типична Словенка. Сакаше да живее во странство, во Италија, во Франција. Беше многу модерна“, рече Зорчиќ, кој ја поканил Меланија на кафе, по што започнале врска која траела четири месеци, а поминале одмор во Хрватска со пријатели.
„Бев во мал шок кога ја запознав. Таа е многу посебна, тоа е вистина. Од првиот момент бев импресиониран од нејзината убавина. Беше многу добро облечена и се однесуваше елегантно. Беше висока, имаше долга коса што ѝ паѓаше преку лицето – едвај можев да ѝ ги видам очите – имаше толку многу стил“, изјави тој. Подоцна, Меланија живеела во Париз и Милано, а се преселила во Њујорк кога добила понуда од компанија за нега на коса.
Кога повторно се сретнале во 2000 година во Њујорк, Јури ѝ се обратил на англиски, нагласувајќи дека не се враќа во Словенија. „Ја прашав: ‘Дали си заборавила дека си Словенка?’ Таа ми одговори дека го поминува времето патувајќи помеѓу Њујорк и Флорида и дека никогаш нема да се врати во Словенија. Мислам дека нејзиниот брак со Трамп беше судбина. Никој не веруваше пред 20 години дека таа ќе живее на врвот на светот, на Петтата авенија во Трамп Тауер, дури ни таа“, заклучи поранешното момче на Меланија.
Првата голема љубов на Меланија била Петар Бутолн, поранешен новинар, со кого изгубила контакт откако тој се приклучил на војската. Во 2016 година, Бутолн го рекламираше мотоциклот „Веспа“, со кој се возел низ Љубљана и Словенија со Меланија во 1987 година. Приходите од продажбата беа наменети за хуманитарни цели, а почетната цена на аукцијата била 9.900 долари.
„Да, тоа е мојата Веспа и кога бевме заедно со Меланија, ја возевме низ Љубљана и до морето до Порторож. Јас бев нејзиното прво момче, но тоа не траеше долго, бидејќи морав да одам во војска, а таа потпиша договор со модна агенција од Милано. Сепак, се забавувавме доста тоа лето 1987 година“, рече Петар.
Тие беа во врска три месеци, а Петар за својата поранешна девојка рече дека отсекогаш била убава и витка. „Таа живееше во мал стан со својата сестра Инес, која беше четири години постара. Нашето пријателство беше прекинато поради војската што ја служев во Јастребарско. Оттогаш не се слушнавме“, додаде Бутолн.