Браќа и вработен во казино ограбиле 1,5 милион денари во Бутел

Двајца браќа, на возраст од 20 и 22 години, заедно со 29-годишен маж, вработен во казино во Бутел, извршиле тешка кражба на 11 април. Планирале да украдат пари од казиното, договарајќи се за деталите во кафе-бар. Следниот ден, вработениот им дал сигнал кога е најповолен момент за акцијата. Еден од браќата влегол во казиното со пиштол, му се заканил на вработениот и заедно украле вкупно 1.460.856 денари.

По кражбата, брзо избегале од местото на настанот. Основното јавно обвинителство Скопје покрена истрага по обезбедени докази кои укажуваат на основано сомнение за кривично дело – тешка кражба, согласно член 236 став 1 точка 2 од Кривичниот законик.