Проблематичните објави и фотографии на Џастин Бибер во последните месеци предизвикаа низа реакции кај фановите и медиумите. Неговите објави на социјалните мрежи, во кои зборува за личните борби и чувствата на вина, покренаа нови прашања за неговото ментално здравје.
Имено, на својот Инстаграм профил, пејачот објави фотографија со опис: „Јас сум само просечен човек полн со недостатоци. Правев работи што ги повредуваа луѓето околу мене, а сè уште правам и кажувам работи што намерно им штетат на другите. Но, утрово се разбудив со уште една можност да се развивам и да не бидам толку себичен“.
Тој го започна својот втор пост со сличен тон, изразувајќи го својот страв дека ќе биде погрешно разбран ако признае колку е себичен.
„Ако го признаам тоа, можеби другите нема да ме сакаат и нема да ми веруваат. Мислев дека ако бидам искрен за себичните работи што ги чувствувам, ќе бидам дисквалификуван од сонот да бидам вклучен. Но, колку сум почесен, толку сум послободен“, заклучи Бибер.
Во медиумите неодамна се појавија тврдења дека негови блиски пријатели изразуваат загриженост за неговото, како што велат, неконтролирано трошење пари. Според извор близок до пејачот, „тој испраќа приватни авиони да ги земат неговите пријатели за да ги донесат на неговиот роденден, се фали со тоа на Инстаграм. „Потрошил 300.000 долари на Коачела. Долго време не работел“, рекол изворот.
Јавната загриженост се зголеми уште повеќе кога Џастин не се појави на овогодинешната Мет Гала, каде што неговата сопруга Хејли сама прошета по црвениот тепих. Наместо тоа, Бибер ја поминал вечерта дома гледајќи хокеарски натпревар, поттикнувајќи гласини за можни брачни проблеми. После тоа, тој се огласи на Инстаграм и, меѓу другото, рече дека „љубовта не е награда“.
На почетокот на март, Бибер објави фотографии на кои се гледа како пуши од нешто што личи на бонг додека седи на електричен велосипед. Кратко потоа, тој призна дека има „проблеми со гневот“ и дека не се сака себеси кога чувствува дека станува „неавтентичен“.