Германскиот тенисер Саша Зверев се надева дека Новак Ѓоковиќ еден ден ќе му биде тренер. Пред некое време, Данил Медведев изјави дека слушнал оти Новак, кога ќе ја заврши кариерата, ќе го тренира Зверев.
Неодамна, на Мастерсот во Рим, на тенисерите им беше поставено прашањето – кого би сакале да го видат за свој тренер.
Алекс де Минор, Холгер Руне, Стефанос Циципас го истакнаа Новак, како и Зверев, кој одговори преку насмевка.
„Кога ќе се пензионира, сигурно ќе ми биде тренер. Тоа е тоа“, вели Зверев.
Имаше инсинуација дека многумина би го сакале Новак на таа позиција.
„Тој е мојот тренер. Потпишавме“, истакна Саша на шега.
Сепак, којзнае што носи иднината…
Djokovic might be on the hunt for a new coach. What he might not know is that most of his colleagues are on the hunt for HIM 👀#IBI25 pic.twitter.com/3Pb3RaEHlz
— Internazionali BNL d'Italia (@InteBNLdItalia) May 13, 2025