Во обид да се постигне прекин на огнот и трајно решение на конфликтот, денеска во Истанбул започнаа мировните преговори меѓу Украина и Русија. Украинскиот претседател Володимир Зеленски се сретна со турскиот претседател Реџеп Таип Ердоган во Анкара, каде што доби потврда за турската поддршка на територијалниот интегритет на Украина, вклучувајќи го и Крим.
„Тоа е важен сигнал и знак за политичка поддршка“, изјави Зеленски, нагласувајќи дека Крим останува составен дел од Украина. Тој истакна дека не може да има разговори за територијални отстапки.
Украинската делегација во Истанбул ја предводи министерот за одбрана Рустем Умеров, заедно со високи воени и разузнавачки претставници. Зеленски нагласи дека не испратил целосна делегација, бидејќи Москва испратила преговарачи од „понизок ранг“, што според него ја покажува несериозноста на Русија за вистински дијалог.
"I will be deciding on further steps after meeting President Erdogan"
Ukrainian leader Volodymyr Zelenskyy has landed in Turkey's capital of Ankara for talks with the country's president Recep Tayyip Erdogan
Live updates ➡️ https://t.co/F0DaUlXVpI
📺 Sky 501 and YouTube pic.twitter.com/4u33YJ8yAz
— Sky News (@SkyNews) May 15, 2025
Од руската страна, делегацијата е предводена од советникот на Путин, Владимир Медински, и вклучува високи претставници од Министерството за одбрана и надворешни работи. Москва изјави дека е подготвена за „сериозна работа“, и покрај тоа што рускиот претседател Владимир Путин не присуствува лично на преговорите. Портпаролот на Кремљ, Дмитриј Песков, потврди дека Путин нема планови да патува во Турција.
Американскиот претседател Доналд Трамп, кој во моментов е на турнеја низ Блискиот Исток, изјави дека „ништо нема да се случи“ додека тој лично не се сретне со Путин. Тој додаде дека Путин се воздржал од учество во преговорите во очекување на негово присуство.
Зеленски изрази сомнеж во искреноста на руската страна и најави дека идните чекори на Украина ќе зависат од исходот на преговорите. „Ако руската делегација не покаже сериозност, тоа ќе биде јасен знак дека овие разговори се само претстава“, рече тој.
Турскиот министер за надворешни работи Хакан Фидан изјави дека има надеж за мирно решение и додаде дека пристигнувањето на делегациите во Истанбул покажува „волја за дијалог“.
First and foremost, I want to thank President @RTErdogan for organizing the opportunity for direct negotiations – that was exactly the signal we had received. The Ukrainian side confirmed its readiness, and today, we are here in the capital, in Ankara.
Ukraine is represented by… pic.twitter.com/P0uFaOSlhj
— Volodymyr Zelenskyy / Володимир Зеленський (@ZelenskyyUa) May 15, 2025
Од Британската страна, премиерот Кир Стармер изјави дека отсуството на Путин е доказ за одолговлекување и ја повика Русија да покаже политичка волја за прекин на војната.
Преговорите во Истанбул продолжуваат попладнево, но останува нејасно дали ќе се постигне конкретен напредок.