Кристијано Роналдо е на врвот на листата на „Форбс“ за најплатени спортисти трета година по ред со заработка од 253 милиони евра. Португалецот го зголеми своето богатство за 13,8 милиони евра во споредба со претходната година.
На второто место е играчот на Голден Стејт, Стеф Кари, со 143,5 милиони евра, додека британскиот боксер Тајсон Фјури е на третото место со 124,2 милиони евра.
Квотербекот на Далас, Дак Прескот, е на четвртото место со 126 милиони евра, додека капитенот на аргентинската репрезентација, Лионел Меси, е само на петтото место со 124,2 милиони евра годишна заработка.
Првите десет ги комплетираа: Леброн Џејмс (123,1 милиони евра), бејзбол играчот Хуан Сото (104,9), а тука е и уште еден фудбалер, Французинот Карим Бензема, кој игра за саудиски Ал Итихад, со заработка од 95,7 милиони евра.
Листата ја заокружуваат јапонската бејзбол ѕвезда Шохеи Охтани со 94,3 милиони евра и НБА играчот Кевин Дурант, кој заработил 93,3 милиони евра.
На таа листа, Роналдо беше надминат само од боксерот Флојд Мејведер. Тој заработил 276 милиони евра во 2015 година, а 262,2 милиони во 2018 година.