Во четврток во Белата куќа се одржа средба помеѓу поранешниот американски претседател Доналд Трамп и германскиот канцелар Фридрих Мерц, која привлече внимание поради непријатен момент во разговорот за историскиот значај на Денот Д.
Трамп и Мерц разговараа за тековната војна во Украина и можностите за заедничка поддршка за мирно решение. Канцеларот посочи дека утре се одбележува 81 година од Денот Д – денот кога сојузничките сили започнаа голема воена операција со која ја ослободија Европа од нацистичкиот режим во Втората светска војна.
За време на ова, Мерц го нагласи значењето на денот, по што Трамп го прекина и, на начин кој звучеше како шега, рече дека тоа „не бил пријатен ден за Германија“. Овој коментар предизвика кратка тишина, по што Мерц одговори дека Денот Д всушност бил ден на ослободување и дека Германија ѝ должи голема благодарност на Америка за тоа.
Покрај историските дискусии, Мерц и Трамп зборуваа и за актуелниот конфликт во Украина. Мерц изрази надеж дека САД и Германија заеднички ќе придонесат за крај на војната и истакна дека Америка е во силна позиција да помогне во тоа.
Трамп ја поздрави одлуката на Германија да го зголеми буџетот за одбрана, но ја цитираше и историската изјава на американскиот генерал Даглас Макартур, кој предупредил дека Германија не треба да се вооружува премногу.
На прашањето дали САД ќе ги задржат своите војници во Германија, Трамп потврди дека нивниот број останува голем – околу 45.000, што според него претставува „мал град“. Тој додаде дека војниците добро се платени и дека нивното присуство има позитивно влијание врз германската економија.
Оваа средба го илустрира сложениот однос помеѓу САД и Германија, каде што минатото и сегашноста се преплетуваат, а геополитичките интереси бараат внимателен баланс.
German Chancellor Friedrich Merz : "We are having, June 6th tomorrow, this is D-Day anniversary, when the Americans once ended a war in Europe…"
President Trump: "That was not a pleasant day for you." pic.twitter.com/LVfiVbQ2uY
— CSPAN (@cspan) June 5, 2025