Неодамна завршениот самит на НАТО во 2025 година, одржан во Холандија, ги собра клучните светски лидери кои дискутираа за актуелни геополитички теми. Сепак, премиерката на Италија, Џорџа Мелони, неочекувано стана актуелна тема на социјалните медиуми – не поради нејзините политички ставови или говори, туку поради експресивните и препознатливи гримаси што ги правеше додека разговараше со новинарите.
Видеото брзо се прошири на платформата „X“, каде што корисниците неуморно шпекулираа за можните причини за нејзиното однесување.
What is wrong with her???pic.twitter.com/eOLORqLXbW
— Jackson Hinkle 🇺🇸 (@jacksonhinklle) June 26, 2025
„Што се случува со италијанската премиерка Џорџа Мелони?“, праша еден корисник, додека друг додаде: „Дали Мелони е добро?“. Трет напиша: „Како да се објаснат изразите на лицето на италијанската премиерка на оваа снимка?“
Коментарите продолжија да се нижат, а многумина се обидуваа хумористично да ја протолкуваат ситуацијата: „Премногу кофеин?“, „Можеби само имала флешбек од Макрон како ѝ шепоти на уво“, па дури и „Некој силен кокаин“.
Некои корисници се обидоа да покажат поголемо разбирање, сугерирајќи можни причини: „Дали е нервозна? Можеби се работи за тикови на лицето. Се случува“, шпекулира јавноста.
Необичен момент беше забележан и за време на состанокот на лидерите на земјите од Г7 во луксузното канадско одморалиште Кананаскис. Тогаш италијанската премиерка беше фатена како превртува со очите откако францускиот претседател Емануел Макрон ѝ шепна нешто на уво.