Интер ќе направи трет обид да потпише со Марко Асенсио, пишува весникот „Газета дело Спорт“. „Нероазурите“ направија прв обид во летото 2023 година, а втората понуда беше во јануари, но тогаш италијанскиот клуб не успеа да се раздели со Марко Арнаутовиќ и Хоакин Кореја.
Асенсио е во сопственост на Пари Сен Жермен, но не е дел од плановите на тренерот Луис Енрике и се продава. Во последните шест месеци играше како позајмен играч во Астон Вила во Премиер лигата.
Договорот на Марко Асенсио со ПСЖ е до 2026 година, што значи дека францускиот шампион нема да бара голема сума за Шпанецот, при што се очекува двата клуба да се договорат за 10-12 милиони евра.
Платата на Асенсио е 8 милиони евра нето, но во Интер ќе мора да се откаже од дел од својот хонорар.