На почетокот на Светското клупско првенство, Килијан Мбапе страдаше од гастроинтестинални проблеми, што доведе до негова хоспитализација и отсуство во поголемиот дел од натпреварувањето, а сега е откриено што точно му се случило.
Според извештајот на L’Équipe, Мбапе веќе се чувствувал лошо пред да се качи во авионот со Реал Мадрид за Мајами, каде што започнало натпреварувањето.
Потоа неговата состојба брзо се влошила. Имал треска и симптоми на акутен гастроентеритис, па бил примен во болница вечерта на 18 јуни за дополнителни тестови.
По една ноќ во болница, пациентот бил отпуштен следната вечер. Првично, се сомневале на топлотен удар бидејќи се чувствувал лошо по пристигнувањето во Мајами, а по дополнителните прегледи, лекарите дури се сомневале и на апендицитис.
Сепак, тестовите покажале дека вистинската причина за неговите проблеми со желудникот е труење со храна – најверојатно од бактерии од пилешкото.
По дијагнозата, Мбапе постепено почнал да се опоравува и се вратил на тренинзите, но претрпе сериозен физички удар – изгуби шест килограми поради болеста. Промената во неговиот изглед по отпуштањето од болница беше драстична.
Како резултат на тоа, тој не можеше да го има своето деби во Клупското првенство сè до 1 јули, кога одигра само 20 минути во осминафиналето против Јувентус. Во саботата, тој одигра уште 30 минути против Борусија Дортмунд и го постигна својот прв гол на турнирот, клучен за Реал Мадрид да се пласира во полуфиналето каде што вечерва ќе се соочи со ПСЖ.