Руската војска во денешниот напад со „лизгачки“ бомби на градот Харкив на североистокот на Украина, погодила и болница, при што има најмалку еден загинат, а повредени се 12 лица, вклучувајќи и дете, јавија локалните власти.
Нападот се случил во 11.40 часот по локално време, во индустрискиот дел на Харкив. Бомбата ја погодила болницата и го пробила покривот на зградата. Оштетена е и соседна куќа.
Гувернерот на Харкивската обалст, Олех Синехубов, соопшти дека четири лица се хоспитализирани.
Во последните месеци Москва ги засилува нападите на Харкив, вториот по големина украински град, кој е на само 20 километри од границата со Русија, како и нападите на другите помали места во Харкивската област.
И вчера Русија го нападна Харкив со две „лизгачки“ бомби, при што беше погодена станбена зграда, а повеќе од 40 луѓе беа повредени.
📽 Руските сили го бомбардирале и Харков, најмалку 33 лица повредени