Задржување на вода може да се појави во текот на целата година, но чувството на тежина и отечени нозе е особено изразено во летниот период и воопшто не е пријатно.
Сепак, постојат неколку начини за спречување на задржување на течности, а еден од нив е избегнување на намирници кои го влошуваат овој процес. Храната што ја консумираме влијае врз рамнотежата на течности во телото, но некои секојдневни намирници можат да предизвикаат дополнително задржување на вода и да го влошат отокот.
„Едем е медицински поим за оток предизвикан од натрупување течност во ткивата. Најчесто се појавува во нозете, но може да ги зафати и рацете, лицето, па дури и белите дробови“, објаснува д-р Асимах Нахиф за Vogue.
Покрај одредени здравствени состојби и лекови, причината може да биде и недостаток на движење или слаба циркулација.
„Дури и обично долготрајно седење или стоење, особено на жешко, може да предизвика оток. Тоа се начини на кои телото ви сигнализира дека нешто не е во рамнотежа“, вели д-р Тери Дуброу.
Со оглед на тоа, важно е да се избегнува често консумирање на намирници кои можат да предизвикаат задржување вода во телото, а меѓу нив се издвојува конзервираната туна. Поради солта што се додава при обработката, таа може да има висок процент на натриум, кој директно придонесува за задржување течности.
Исто така, иако доматот е богат со вода, тој содржи хистамин кој може да ја зголеми пропустливоста на крвните садови и да поттикне задржување течности. Комбинирањето со зеленчук како краставица може да го ублажи ова дејство.
Слично на конзервираната туна, и чадениот лосос содржи големи количини на натриум.
„Натриумот е најголемиот виновник за задржување на вода“, истакнува д-р Дуброу.