Арбен Таравари обелодени дека на средба со премиерот на Албанија, Еди Рама, по парламентарните избори во земјава во мај минатата година, албанскиот премиер „сигурно знаел“ што ќе ѝ се случи во коалиција ВРЕДИ доколку влезе во Владата.
„Веднаш по 8 мај имав средба со Рама во Тирана. И тој ме праша: „Дали се приклучуваш на Владата?“ „Какви позиции имате?“ Јас реков: Претседател на Парламентот.
„Супер“, рече тој. Ме праша колку министри имам, реков „шест министри“.
Многу добро. Само една порака. Мицкоски ќе ве искористи, ќе ве експлоатира и ќе ве фрли како партал.
И го паметам ова, вели Таравари.
Рече „ќе излезе многу лошо, бидејќи има четири партии. Проблем за функционирањето“, објасни Таравари во дебатната емисија на TëVë1.
„И навистина, останавме такви. Почнаа да не нè прашуваат и да нè игнорираат и навистина изгледавме многу лошо“, рече Таравари.