26
Актерот Лазар Ристовски е добитник на наградата „Мето Јовановски“ за високи актерски достигнувања во филмската уметност на Фестивалот на балкански и медитерански филм „Преку езерото“, кој се одржува од 7 до 12 август во Дојран.
– Оваа година, по втор пат, ќе ја доделиме наградата „Мето Јовановски“ за високи актерски достигнувања во филмската уметност на актер од Балканот и Медитеранот. Лауреат е големиот балкански, српски и македонски актер Лазар Ристовски – изјави директорот на фестивалот Јани Бојаџи, филмски режисер, на прес-конференцијата.
Тој истакна дека во својата речиси петдецениска кариера, Ристовски бил, и сè уште е, дел од најважните филмски настани на Балканот и Медитеранот.