Најмалку 11 лица загинаа во сообраќајна несреќа во западна Индија, вклучувајќи седум деца

Најмалку 11 лица, вклучувајќи седум деца и четири жени, загинаа денес, а 12 други беа повредени кога возилото во кое патувале се судри со камион паркиран покрај патот во западната индиска држава Раџастан, соопшти локалната полиција.

Патниците во комбето се враќале во своето село во Утар Прадеш откако го посетиле хиндуистичкиот храм Хату Шјам во Раџастан кога се случила несреќата во раните утрински часови, објавува „Тајмс оф Индија“.

Според достапните информации, во возилото имало над 30 лица, а некои од повредените биле лекувани во локалните болници.