По месеци барање напаѓач, Милан конечно се согласи да ја доведе својата посакувана цел, а тоа е офанзивниот играч на Манчестер Јунајтед, Расмус Хојлунд.
Данскиот напаѓач (22) се приклучи на Манчестер Јунајтед од Аталанта во 2023 година за дури 78 милиони евра, но во повеќе од 60 натпревари на „Олд Трафорд“ успеа да постигне само 14 гола.
Тој се сметаше за огромен неуспех за „Црвените ѓаволи“, па затоа е вистинско чудо што Манчестер Јунајтед успеа да се договори за продажба во пакет што надминува 50 милиони евра.
Милан ќе плати 6 милиони евра за неговата едногодишна позајмица, а потоа ќе имаат опција да го откупат за 45 милиони евра, доколку сакаат да го задржат.
„Росонерите“ очигледно веруваат дека ќе ја оживеат кариерата на Данецот, кој е сè уште многу млад.
Милан долго време бара напаѓач, а фокусот беше на Душан Влаховиќ од Јувентус. Сепак, договорот со Милан никогаш не се реализираше, а „росонерите“ се свртеа кон помлада опција која исто така се докажа во Италија.