Францускиот претседател Емануел Макрон изјави дека американскиот претседател Доналд Трамп им кажал на европските лидери во среда дека САД и другите сојузници се подготвени да учествуваат во обезбедувањето безбедносни гаранции за Украина за да се стави крај на војната на Русија против Украина.
Макрон рече дека Трамп, за време на разговорите со европските лидери и украинскиот претседател Володимир Зеленски, јасно ја исклучил можноста Киев да стане членка на НАТО алијансата, што е една од главните пречки за каков било мировен договор со Русија, објави Ројтерс.
Макрон, кој е на одмор на југот на Франција, го изјави ова пред новинарите од неговата летна резиденција во среда.
Европските лидери и Зеленски вчера одржаа видеоконференција со американскиот претседател.
За време на состанокот, тие се обидоа да влијаат врз американскиот претседател пред неговата средба со Путин, која ќе се одржи во петок во Анкориџ, Алјаска, соопшти агенцијата.