Рома постигна договор со Манчестер Јунајтед за трансферот на Џејдон Санчо. Договорот ќе биде вреден вкупно 22 милиони евра, но преку позајмица со задолжителна откупна сума.
За да се реализира, Рома сè уште треба да се договори со Санчо, што не би требало да биде проблем во договор кој треба да го задржи на „Олимпико“ до 2030 година.
Бешикташ, исто така, покажа интерес за Санчо, но играчот не сака да игра во Турција. Јувентус сакаше да го доведе минатото лето, но сега нема да се обиде да го потпише.
Санчо играше на позајмица во Челси минатата сезона. Во договорот помеѓу Манчестер Јунајтед и „сините“ имаше клаузула за задолжителна откупна сума, но во Лондон не ја активираа, туку решија да платат финансиска отштета од пет милиони евра.
Исто така, на „Олд Трафорд“ ќе мора да се помират со фактот дека изгубија многу пари за Санчо бидејќи го доведоа од Борусија Дортмунд за 80 милиони евра. Сега тој си заминува низ задната врата…