ЕвропаРегионСлајдер

📽️Шокантни снимки емитувани на руските телевизиски станици: 3 часа вистина која Путин се обидува да ја сокрие?

„Поминаа три и пол години војна, а (рускиот претседател Владимир) Путин не освои целосно ниту еден украински регион. Украина останува независна“, се вели во видеото.

од Vladimir Zorba
51 прегледи

Руски „кибер партизани“ хакирале руски телевизиски провајдер на 24 август, емитувајќи снимки што го откриваат вистинското бојно поле и внатрешната ситуација во земјата, изјави извор од украинската воена разузнавачка служба (ХУР) за весникот „Киев Индепендент“.

Видеото, кое ја прикажува кризата со гориво во Русија, недостигот на вода во окупираните делови од регионот Доњецк, украински напади врз рафинериите за нафта и воените загуби на Русија, беше емитувано истовремено на 116 телевизиски канали на Денот на независноста на Украина, според изворот.

„Поминаа три и пол години војна, а (рускиот претседател Владимир) Путин не освои целосно ниту еден украински регион. Украина останува независна“, се вели во видеото.

Изворот тврди дека „локалните кибер партизани“, исто така, го блокирале пристапот до администраторите на провајдерот, што им отежнувало да го спречат неовластеното емитување.

Најмалку 50.000 гледачи во Москва и други руски региони наводно го гледале клипот долг три часа. Емитувањето се појави и на апликации преку Apple Store, Google Play, Smart TV и други кабелски мрежи.

„Киев Индипендент“ не можеше да ги потврди овие извештаи.

Украинските хакери, исто така, редовно напаѓаат руски онлајн платформи откако Русија започна целосна инвазија на Украина во 2022 година.

Во јули, сајбер експертите од HUR наводно извршиле голем сајбер напад врз мрежната инфраструктура на рускиот енергетски гигант „Газпром“, предизвикувајќи значителни прекини.