Членот на ВЛЕН и вицепремиерот за добро владеење, Арбен Фетаи одбива да одговара на македонски јазик, иако е прашуван на македонски. Без чувство на одговорност, без почит кон институцијата и граѓаните, Фетаи со ладнокрвност им порача на новинарите: „Уште не сум спремен на македонски“. А роден е во Куманово, со македонско државјанство и функција во македонска Влада. Од ВМРО-ДПМНЕ нема ни збор. Нема реакција, нема извинување, нема барање за одговорност. Затоа прашуваме: за ова ли ви требаа 58 пратеници? За уште поголемо непочитување на македонскиот јазик и институциите, прашуваат денеска од СДСМ откако Фетаи во изјава пред новинарите говореше само на албански јазик, иако новинарите го прашуваа на македонски.
Според партијата во опозиција, ова не е изолиран случај. Наведуваат дека и други функционери од албанскиот блок во оваа Влада не се обраќаат на македонски не одговараат на медиумите. СДСМ критикува дека премиерот Христија Мицкоски „си молчи како ништо да не се случува“.
-ДПМНЕ се колнеше во „македонштина“, се бореше против француски предлог и „асимилација“, а денес вашата Влада не може да обезбеди ни почит кон македонскиот јазик, соопштија од СДСМ.
На настанот по повод промоција на црвените таблички кои ќе ги издвојуваат службените возила, кога новинарите го замолија да одговори на македонски јазик, Фетаи рече дека не може, „ако може да одговори на албански“. Прашан дали и другите прашања ќе ги одговара на албански, тој рече: „Уште не сум спремен на македонски“.