Киев: Путин не престанува да ја проширува својата војна и да го тестира Западот

Киев изјави дека Владимир Путин не престанува да го „тестира Западот“ и ќе продолжи да го прави тоа сè додека не наиде на „решителна реакција“ откако Полска го осуди „чинот на агресија“ во нејзиниот воздушен простор за време на ноќниот руски напад врз Украина, објави АФП.

„Путин не престанува да го интензивира, проширува својата војна и да го тестира Западот“, напиша украинскиот министер за надворешни работи Андриј Шибига, чија земја се бори против руската инвазија од 2022 година, во X.

Според него, „слабата реакција денес само ќе ја провоцира Русија уште повеќе, а руските ракети и беспилотни летала ќе летаат уште подалеку во Европа“.